ர.பூங்குன்றன் தொல்லியல் ஆய்வாளர். கொங்கு மண்டலத்தில் பலகாலம் வரலாற்று ஆய்வுகள் மேற்கொண்டவர். இவர் எடுத்த கல்வெட்டு பதிவுகள் கொங்குப்பகுதியின் வரலாற்றை தெளிவுபடுத்துகின்றன. இந்தியாவின் தொன்மையான பெருவழி ஒன்றை கண்டறிந்தவர். செங்கம் நடுகற்கள் மீதான இவரது ஆய்வு மிகமுக்கியமான ஒன்று. மு.இராகவையங்காருக்கு பிறகு தொல்லியல் மற்றும் இலக்கியச்சான்றுகளுடன் வேளிர் வரலாறு குறித்து விரிவாக எழுதியவர் பூங்குன்றன். அனைத்துக்கும் மேலாக சிறந்த தொல்லியல் ஆசிரியர், இளம் ஆய்வாளர்களை பயிற்றுவிக்க வயது கருதாது இன்றும் தமிழகம் முழுக்க பயணிப்பவர்.
